IMG-738fa251845623a24e4b157ef538d0cf-V

Знаёмства з гісторыяй раёна

У Год гістарычнай памяці шмат увагі надаецца выхаванню ў людзей любові да сваёй радзімы, свайго краю. З мэтай усебаковага выхавання асобы міліцыянераў, фарміравання ў іх патрыятызму і гонару за свой край на мiнулым тыднi было арганізавана наведванне краязнаўчага музея Тадэвуша Касцюшкі, які знаходзіцца ў вёсцы Малыя Сяхновічы Жабінкаўскага раёна.

IMG-30f23592dc2bd600088bd5e7d4675624-V

Як паведамiў начальнiк Жабінкаўскага аддзялення капiтан мiлiцыi Сяргей Якаўчук, супрацоўнікі пазнаёміліся з прыладамі народнага побыту мясцовага рэгіёна, убачылі партрэты і гістарычныя дакументы, якія належалі Тадэвушу Касцюшка і яго родным, паглядзелі экспазіцыю, прысвечаную Вялікай Айчыннай вайне.

IMG-caf0540740778db3f82cb20113d7ac6f-V

IMG-ea4fd7784e4954facf62d06c057ee021-V

Асобнае месца ў музеі займае памяшканне, цалкам прысвечанае станаўленню Жабінкаўскага раёна. Дарэчы, раёнам Жабінкаўшчына стала толькі ў 1966 годзе. Аб гэтым сведчаць здымкі, гістарычныя дакументы, копіі загадаў, узнагароды лепшых людзей раёна, іншыя матэрыялы. І супрацоўнікі і работнікі грамадзянскага персаналу засталіся задаволены наведваннем музея.

IMG-feeef10ce3aa3e0deeaa57d3c0d47522-V

Iнфармацыя i фота Жабінкаўскага АДА